ATİAHİ-nin şəhər, rayon və rayon hüquqlu komitələrinin təşkilatçılığı ilə Ramazan ayında ittifaq üzvləri üçün iftar süfrələri təşkil edilib.

Müqəddəs Ramazan ayı münasibətilə keçirilən bu xeyirxah tədbirlərdə 3000-dən çox ittifaq üzvü iştirak edib. İftar süfrələri zamanı ümummilli lider Heydər Əliyevin və Vətən uğrunda canlarını fəda edən şəhidlərimizin əziz xatirəsi yad olunub, Qurani-Kərimdən ayələr oxunaraq dualar edilib.

Allah bu mübarək ayda edilən ibadətləri və tutulan orucları qəbul etsin!

Azərbaycan Həmkarlar İttifaqları Konfederasiyasının (AHİK) üzv təşkilatı olan Azərbaycan Təhsil İşçiləri Azad Həmkarlar İttifaqı (ATİAHİ) tərəfindən Novruz Bayramı münasibətilə ittifaq üzvlərinin övladlarına bayram hədiyyələrinin təqdim edilməsinə başlanılıb.

İttifaq üzvləri göstərilən diqqət və qayğıya görə AHİK və ATİAHİ rəhbərliyinə dərin təşəkkürlərini bildiriblər.

Hədiyyələrin paylanması ittifaq üzvləri və onların övladları üçün bayram əhval-ruhiyyəsini yüksəldib və həmrəylik ruhunun əhəmiyyətini bir daha önə çəkib.

ATİAHİ Respublika Komitəsinin dəstəyi ilə həyata keçirilən psixoloji dəstək layihəsi çərçivəsində mart ayında 526 təhsil işçisi bu xidmətdən yararlanıb. Bu dəfə təlimlər Bakı şəhərinin Nizami, Xəzər və Xətai rayonlarında fəaliyyət göstərən ümumtəhsil məktəblərində çalışan müəllimlər üçün təşkil edilib.

Təlimlər zamanı iştirakçılara peşəkar psixoloqlar tərəfindən layihənin məqsədi barədə ətraflı məlumat verilib, onların sualları cavablandırılıb və mövzu ətrafında müzakirələr aparılıb. Təlimin əsas məqsədi təhsil işçilərinin psixoloji rifahını yüksəltmək və onların peşə fəaliyyətində qarşılaşdıqları çətinliklərdə dəstək göstərməkdir.